РУСКИ КЕРЕСТУР – Представа за дзеци „Инсталуй и ти дїдов джи пи ти (GPT)” Руского народного театру (РНТ) „Петро Ризнич Дядя”, будзе виведзена на пияток, 10. априла, на 12 годзин у керестурскей Школи.
Тота интерактивна представа витворена по текстох Ирини Гарди Ковачевич и Славка Ороса, чия основна намира же би виратовала зоз забуца, зачувала и пояшнєла велї руски присловки, фрази и рижни словни конструкциї и стилски фиґури хтори млади ґенерациї, а окреме дзеци, уж вше менєй хасную, а хтори творя богатство нашого язика.
То остатня представа хтора будзе виведзена на тогорочним Драмским мемориялу Петра Ризнича Дядї.