ВАСИЛЬ МУДРИ | Руске слово

автор Ясмина 11. юлий 2016

ВАСИЛЬ МУДРИ, писатель и учитель, народзени 12. марца 1930. року у Дюрдьове. Основну школу закончел у родним месце, гражданску у Новим Садзе, Ґиманзию у Руским Керестуре, а Учительку школу у Сримских Карловцох. Робел як новинар у Руским слове, а на два заводи бул и редактор Пионирскей заградки. Як учитель робел у Руским Керестуре, Дюрдьове, Принциповцу, Соту и у Шидзе. Писац почал ище як школяр. Перша писна, Наша ґиманзия, друкована му 1945. року.Од теди нєпреривно пише и обявює у Пионирскей заградки и Заградки. Збирка писньох за дзеци Подшнїжнїки викукую обявена му 1973. року, а його друга кнїжка поезиї Будзенє яри, обявена 2014. року. Умар 2016. року у Шидзе.

Новинска дїялносц Новинско-видавательней установи „Руске слово” почала 15. юния 1945. року з видаваньом тижньових новинох „Руске слово”, а потим и других виданьох на руским язику. Установа реґистрована за видаванє новинох, часописох, кнїжкох, брошурох, музичних и видео виданьох, так же дїялносц НВУ видаванє новинох „Руске слово”, часопису за дзеци „Заградка”, часопису за младих „МАК”, часопису за литературу и културу „Шветлосц”, кнїжкох и интернет виданьох, як цо то и єй Новинска аґенция „Рутенпрес”.