НОВИ САД – На 104. схадзки Управного одбору (УО) Новинско-видавательней установи Руске слово, отриманей вчера, 3. септембра, по Явней оглашки за директора НВУ Руске слово, розписаней 3. авґуста, од двох приявених кандидаткох, найвецей гласи достала Ясмина Дюранїн.
УО зашедал у полним составе, дзевец особи, Комисия за отверанє приявох зоз документацию поинформовала же на Явну оглашку за директора сцигли три прияви, алє єдна нє була комплетна, у предлуженю схадзки ше гласало за два кандидатки. За Ясмину Дюранїн гласали пейц особи.
Тоту одвичательну функцию Ясмина Дюранїн пребера 20. септембра, а потерашньому директорови др Борисови Варґовому мандат тирва по 19. септембер.
По Закону о явним информованю и медийох, хтори ступел на моц 2016. року, вибор директора окончує УО.
