РУСКИ КЕРЕСТУР – Привредно-туристично-културна манифестация „Днї керестурскей паприґи” будзе отримана на соботу 22. авґуста у центру Руского Керестура, того року зоз кус вименєнима змистами пре нєдостаток финансийох.
Рихтанє традицийних єдлох и деґустация специялитетох зоз паприґи и полудзенок почню уж на 10 годзин, а у тим термину будзе отримани и виход на оглядне польо дзе ше будзе демонстровац пирсканє поля з дроном.
У термину од 12 по 22 годзин, у центру валала, будзе вистава паприґи и продуктох з паприґи и другей желєняви, продуктох домашнього виробнїцтва, старих ремеслох и сувенирох.
Дефиле парадних запрагох Конїцкого клубу Русин и їх госцох почнє на 17 годзин, а на 17:30 будзе шветочне отверанє манифестациї и културно-уметнїкца програма.
После, на 18:30 годзин за наймладших будзе дзецински маскенбал, та такой потим и преглашованє побиднїкох у змаганю за найкрасшу маску, найчежшу паприґу и найкрасши штанд (сход у парку при замку на 18 годзин).
У Музичним сеґменту, на 19 годзин присутних будзе забавяц Касиус бенд, а од 21 годзин наступи бенд Дрвена банда.