ЖАБЕЛЬ – Штварток, 3. септембра отримана перша годзина Школи каяку за дзеци на Єґрички у Жаблю.
Школу каяку ше орґанизує з намиру же би ше младши дзеци дружели, бавели, препровадзовали час у природи и научели основи схопносци весланя каяку и каякашству вообще, з акцентом, як гварели орґанизаторе, на безпечносц у води.
Школу каяку за дзеци орґанизує Туристична орґанизация општини Жабель, будзе тирвац по конєц септембра, а заинтересовани дзеци мож приявиц на число телефона 066/804-65-99.