РУСКИ КЕРЕСТУР – У першей акциї орґанизованого збераня амбалажного одпаду од пестицидох, хтора тирвала три днї, од 10. по 12. авґуст, назберане 710 кили амбалажи, а придали ю вкупно 90 польопривредни ґаздовствa з Руского Керестура.
Амбалажу ше зберало на силосох у подприємстве НСАґро-инґ, а пондзелок 17. авґуста ю одвезли заняти спред компаниї за зберанє одпаду PWW.
З тей нагоди, Керестур нащивел и фито-санитарни инспектор Заходнобачкого округу Драґан Безбрадица, хтори и инициятор акциї, вєдно зоз Польопривредну фахову службу Зомбор и єй директором инж. польопривреди Владимиром Сабадошом.
Инспектор Безбрадица визначел же амбалажни одпад будзе рецикловани и винєшени зоз Керестура на фито-санитарно безпечни способ. Вон наглашел и же треба робиц на розвиваню свидомосци при польопривреднїкох хтори з тей нагоди нє принєсли амбалажу, а виражел и наздаванє же шлїдуюцого року, кед ознова будзе порушана така акция, вона будзе ище масовнєйша.
У акциї помогли Землєдїлска задруґа Керестурска паприґа, Плантариa аґрар и НС Аґро–инg.
