КУЛА – У Шветочней сали Скупштини општини Кула стреду, 5. авґуста, отримана схадзка Општинского штабу за позарядово ситуациї, на хторей анализована актуална ситуация на териториї општини.
Предсидателька општини Кула, др Весна Томич, визначела же окремни акцент положени на рационалне трошенє води, нїзки уровень водостою Дунаю и актуалну гидролоґийну ситуацию на Гидросистеми Дунай – Тиса – Дунай.
Бешедуюци о огню, хтори прешлого викенду вибухнул на нєсанитарней депониї „Лапош” у Кули, предсидателька наглашела же шицки одвичательни служби реаґовали на час.
Повторени и апел же би ше водзело рахунку о здравю под час високих температурох, як и же би ше рационално трошело воду, же би ше керовало нєпотребне залїванє трави и полнєнє базенох, же би шицки гражданє општини мали достаточни количества води за пице и основни животни потреби.