Саня Тиркайло

Sanja TirkajloСАНЯ ТИРКАЙЛО народзена  25. юлия 1964. року у Шидзе, дзе и нєшка жиє. По фаху є прекладатель-фахови сотруднїк. Роби як наставнїк анґлийского язика у Основней школи „Филип Вишнїч” у Моровичу.

Поезию пише од вчасней младосци. Писнї єй друковани у велїх часописох, билтенох, антолоґийох, по руски и по сербски. Єден є зоз сновательох литературних клубох „Милош Црнянски” у Шидзе и „Мост” у Моровичу, а член є и Литературного клуба „Филип Вишнїч” у Шидзе.

Коло основней роботи, окончує и роботу телевизийного новинара на реґионалней Сримскей телевизиї, дзе ушорює емисию Руски маґазин. Преклада зоз анґлийского язика. Активна є и як ґлумец-аматер у КПД „Дюра Киш” у Шидзе. Окрем поезиї пише и есеї и литературну критику. Роман на сербским язику „Ирина” обявела 2016. року.