ШИД – У дзевятим колє у Општинскей фодбалскей лиґи Шид „Сримец” з Беркасова победзел „Синдєлич” з Ґибарцу з 5:0, „Бачинци” на госцованю у Люби победзели „Єдинство” з 3:0, а „Єднота” зоз Шиду дома страцела од „Напредку з” Вачици з 3:1.
На таблїчки ОФК „Бачинци” пияти зоз 16 бодами, „Сримец” шести зоз 14, а „Єднота” дзешата з осем бодами.
На нєдзелю, у дзешатим, предостатнїм колє, „Бачинци” дочекую „Омладинєц”, „Ердевик 2017” бави процив „Сримцу”, а „Єднота” на своїм терену процив „Єдинства” з Моровичу.
У дзевятим колє у Медзиопштинскей фодбалскей лиґи Срим фодбалере ОФК „Бикич” на госцованю у Равню страцели од ФК „Зека Булюбашич” з 3:0 и „Бикич” тераз на 13. месце з осем бодами.