ДЮРДЬОВ – У 31. колє ярнєй часци змаганя Подручней фодбалскей лиґи Нови Сад, всоботу, 19. мая, ФК „Бачка 1923” з Дюрдьова на своїм стадиону дочекала ФК „Фрушкогороски партизан” зоз Буковцу.
Змаганє закончене зоз виєдначеним резултатом 2:2 (1:0). Ґоли за дюрдьовски клуб дали Павлов и Пантич. Тренер першого тиму Раденко Шарович гварел же на тим змаганю „Бачково” бавяче препущели вецей нагоди же би дали ґол. После того змаганя ФК „Бачка 1923” ма єден бод вецей, алє на таблїчки пада два места нїжей и ознова є на осмим месце з 44 бодами.
Шлїдуюце змаганє будзе на стреду 23. мая у Кисачу з ФК „Татра” котри першопласовани, а потим за викенд, на нєдзелю 27. мая, на домашнїм терену дочека ФК „ЖСК” зоз Жаблю котре предостатнє змаганє у тей часци сезони. Змаганя почню на 17,30 годзин.