РУСКИ КЕРЕСТУР – Младежска ґрупа Драмского студия АРТ рускокерестурского Дому култури вчера, 24. марца, з представу „Боинґ-Боинґ” Марка Камолетия, у режиї Владимира Надя Ачима, наступела на Драмским мемориялє Петра Ризнича Дядї, и знова, як и на премиєри 11. марца, представа бавена пред полну Вельку салу Дому култури.
„Боинґ-Боинґ” комедия ситуациї, на тот завод любовного штироуглу, у хторей одлично ґлумя млади керестурски ґлумци – Себастиян Няради, Адриана Надь, Ребека Планчак, Марина Роман, Андрей Орос и Леонтина Штефанко.
По одлуки жирия публики, награду за найлєпше одбавену улогу у представи вчера вечар достал Андрей Орос за улогу „Роберта”.
Вчарайши наступ керестурских аматерох патрел и селектор Општинскей смотри театралней творчосци кулскей општини Давид Кецман, з чим участвовала на Општинскей смотри.
(Вецей фотоґрафиї з представи у фото-ґалериї на правим боку сайту).