ПРЕШОВ – У виданю Прешовского универзитету вишла „История карпаторусинского националного театру и драматурґиї” Валерия Падяка, науковца, доктора наукох и професора Прешовского универзитета.
„История карпаторусинского националного театру и драматурґиї” ма вкупно 340 боки, а материял класификовани до седем цалосцох през хтори автор спатра поступни розвой театралней уметносци – од народох пред прилапйованьом християнства по християнски традициї, драму просвитительства по установйованє националних театрох у медзивойнових часох. Остатня часц кнїжки пошвецена модерним часом (после колапсу тоталитаризма) и процесу обнавяня театралного живота.
Найвекша увага дата театралному животу Лемковщини, Прешовщини и Войводини, як и театралному животу русинских емиґрантских заєднїцох у Зєдинєних Америцких Державох, дзе у двацетим вику було вецей як пейдзешат аматерски театри.
На концу кнїжки находзи ше обсяжна библиоґрафия подкарпатскей драматурґиї у медзивойновим чаше вецей як 120 авторох, а вецей информациї мож пречитац на тим ЛИНКУ.