РУСКИ КЕРЕСТУР – Дом култури Руски Керестур тих дньох на своїм Ют’юб каналу и Фейсбук профилу обявел дводньову програму зоз тогорочного 65. Фестивалу рускей култури Червена ружа.
На спомнутих двох дружтвених мрежох обявена дводньова програма роздзелєна по точкох, и то зоз – Змаганя за найкрасши глас, Змаганя нових композицийох у забавним духу, Ревиялней часц пошвеценей Юлиянови Рамачови Чамови, зоз дзецинскей манифестациї Червене пупче, як и зоз вечара наступох фолклорних ансамблох.
У наиходзацим периодзе буду обявени и обєдинєни точки у пейцох видеох зоз Фестивалу, поручую зоз Дома култури, а наступи мож одпатриц на тим линку як и на ФБ боку Фестивал “Червена ружа”/Festival “Crvena ruža”.
