РУСКИ КЕРЕСТУР – Музичар и кантавтор Сашо Палєнкаш, зоз Руского Керестура, тих дньох обявел свою нову авторску нумеру под назву Деменция, хтора доступна на його Bandcamp профилу. Слово о трецей шпиванки хтору автор обявел од початку рока, после композицийох Цмота и Писня о шмерци.
Нова шпиванка обрабя тему деменцциї, а автор тексту пробує приблїжиц свойо дожице особи хтора ше зочує зоз тоту хороту. През стихи дава свою перспективу як би дементна особа могла доживйовац швет коло себе, а источашнє скруцує повагу и на озбильносц хороти.
Як и у потерашнїх його музичних витвореньох, Сашо подписує текст, музику и аранжман, сам одграл шицки инструменти, знял вокали, а самостойно одробел и продукцийну часц.
Шпиванку мож послухац на його Ютʼюб каналу, на тим линку, або на його Bandcamp профилу.