ЖАБЕЛЬ – Дом здравя Жабель и його служба наглей медицинскей помоци, вчера, 29. юлия обявели здогаднїк як би ше требало справовац, старац о себе и защициц свойо здравє у наиходзацих дньох, понеже наявена цепла габа и горучава на териториї Сербиї.
У здогаднїку пише же нє треба пребувац вонка од 10 до 17 годзин. Уж кед ше муши буц вонка, вец треба ношиц лєгки и ценки шмати, а на глави мац калап лєбо шапку. Осторожнєйше треба мерковац на старши особи, хронїчних хоротнїкох, ваготни жени и мали дзеци. Високи вонкашнї температури можу зменшац кревови прицисок, та ше препоручує порядне контролованє и меркованє.
У случаю кед ше зяви слабосц, страци свидомосц, моцни боль у першох, або очежане диханє треба такой наволац службу наглей медицинскей помоци.
Обще число наглей медицинскей помоци 194, служба наглей помоци у Дому здравя Жабель 064/80-57-223, обще число Дому здравя Жабель 021/29-31-054 або 021/24-00-274.
Метеоролоґове спозорюю на тропски днї кед годно буц и до 40 ступнї, як и на тропски ноци кед наявене медзи 20 и 26 ступнї.
Наявене же найцеплєйши днї буду од стреди 5. по соботу 8. авґуст.