ШИД – На подручу општини Шид за тераз нє призначени случаї африцкей чуми швиньох, гварела нам докторка ветеринарскей медицини зоз Ортацкей ветеринарскей станїци Йолана Шовань.
Вона наглашела же найзначнєйши мири охрани тоти: нє дошлєбодзиц нєпознатим особом уход блїзко ґу и до кармика, власнїк швиньох треба же би мал окремни шмати и обуй кед уходзи до кармика и же би нєпреривно провадзел здравствени стан швиньох, а кажду подозривосц такой приявел ветеринаром.
Як додава др Шовань, африцка чума швиньох у Сриме призначена у општини Рума и Сримска Митровица, а на подручу општини Шид запровадзени мири осторожносци, бо 2023. року и на тих прoсторох було призначене значне охоренє швиньох окреме у валалох Ямена и Морович, алє и у Шидзе.