НОВИ САД – Други уписни термин на Оддзелєнє русинистики на Филозофским факултету Универзитета у Новим Садзе будзе отримани початком септембра, а єст нєпополнєти места и на буджету.
Електронске приявйованє кандидатох заплановане 3. и 4. септембер по 13 годзин, кандидатом котрим ше нє уда приявиц електронски, годни то поробиц и особнє 4. септембра на шалтеру Студентскей служби од 11 по 13 годзин. Потим шлїдзи покладанє приємного испиту 7. септембра.