ЖАБЕЛЬ – Штаб за позарядово ситуациї Општини Жабель видал забрану отримованя вашару у населєним месце Жабель, а на основи Ришеня Министерства польопривреди, лєсарства и водопривреди – Управа за ветерину, котре видате вовторок, 14. юлия пре потвердзене присуство африцкей чуми швиньох у населєним месце Жабель.
Вашар у Жаблю ше поряднє отримує першей нєдзелї после 15. у мешацу, а того мешаца би мал буц 19. юлия.
Зоз урядовим документом забранєне предавац продукти животиньского походзеня на пияцу, вашаре и подобне, односно звонка роботних просторийох.
Як наявене у наиходзацим периодзе полиция и ветеринсрска инспекция будзе баржей контоловац обток, превоженє животиньох.
Африцка чума швиньох обераца вирусна хорота од котрей охорюю домашнї и дзиви швинї. Хорота нє опасна за людзох, алє виволує вельки економски пошлїдки у швинярстве и потребни строги мири контроли.