ПАНЧЕВО – Представнїки округох, локалних самоуправох, державних институцийох, здруженьох гражданох, орґанизацийох цивилного дружтва, и националних совитох присуствовали дружтвеному диялоґу на тему „Афирмация дружтвеного диялоґу у локалней заєднїци” котри бул орґанизовани концом юния.
Дружтвени диялоґ бул отримани у Панчева, у будинку шедзиску Южнобанатского округу. Спред Националного совиту рускей националенй меншини участвовал предсидатель Одбору за службене хаснованє язика и писма проф. др Михайло Фейса. Домашнї бул начальнїк Южнобанатского округу др Зоран Тасич, а присутни бул министер за людски и меншински права и дружтвени диялоґ Демо Бериша зоз своїма сотруднїками.
После отриманей дискусиї, орґанизаторе сходу заключели же моцне медзиинституцийне сотруднїцтво, партнерске одношенє шицких дружтвених учашнїкох, и континуовани диялоґ, нєобходни условия за ефикаснєйше функционованє системи и формованє дружтва у котрим права каждого поєдинца защицени, а шицким гражданом доступни єднаки можлївосци.