НОВИ САД – Подобова колония Конкатедралней церкви святих апостолох Петра и Павла отримана 1. и 2. авґуста у церковней порти.
Сход уметнїкох бул всоботу на 8 годзин у Доме святого Миколая, дзе их привитал новосадски парох о. Дарко Рац.
На першу подобову колонию, хтора орґанизована у Конкатедрали святих апостолох Петра и Павла одволали ше 12 уметнїки. Тема подобових роботох була шлєбодна, а робело ше у вецей технїкох: олєй на платну, акрил, акварел, енкаустика, мальованє на фляшкох, мозаїк зоз школькох, калиґрафия…
Отримованє першей подобовей колониї спонзоровали и потримали Завод за културу войводянских Руснацох, Подприємство Промил Д.О.О власнїк Мирослав Загорянски, Мелания и Мирослав Турински и Владимир Салонски. Орґанизаторе були Мария Канюх и о. Дарко Рац, а у орґанизациї и пририхтованю помогли члени Церковного одбору, алє и жени активни на парохиї вєдно зоз панїматку Марусю Рац.
