Владика возвелїчал Кирбай

автор влдї
979 Опатрене

СРИМСКА МИТРОВИЦА – Церква и вирни у Сримскей Митровици на швето Вознесениє Господнє вчера преславели храмове швето Кирбай.

Архиєрейску Службу Божу предводзел апостолски еґзарх за грекокатолїкох у Сербиї кир Георгий, а сослужели паноцове зоз нашого Апостолского еґзархату, Крижевского владичества и римокатолїцки паноцове.

У казанї преосвящени владика наглашел же ше Исус вознєсол на нєбо ґу свойому Оцови Нєбесному, алє же нас вон нє зохабел и же є з нами присутни на иншаки способи – прейґ церкви, а церква шицки ми.

Владика винчовал Кирбай домашньому парохови о. Владиславови Варґови, домашнїм вирним, госцом и паноцом хтори пришли подзелїц кирбайску радосц.

Парох о. Владислав Варґа з тей нагоди владикови подзековал же возвелїчал швето и подаровал му малюнок церкви Вознесеня Господнього, а малюнок подаровал и амбасадорови України у Сербиї Олександрови Александровичови хтори на Служби Божей бул зоз супругу.

После Служби Божей бул традицийни обход коло церкви зоз читаньом Євангелийох, а на концу одшпиване Многолїтствиє.

ПОВЯЗАНИ ТЕКСТИ