БЕОҐРАД – Републичнa виберанковa комисия преглашела ище два виберанково лїстини.
Преглашена виберанкова лїстина Усаме Зукорлич (СПП) Рух за зєдинєнє у статусу меншинскей лїстини, хтору придала Странка правди и помиреня за виберанки за народних посланїкох Народней скупштини. На гласацких лїсткох тота лїстина будзе зоз числом шейсц (6.). Странка правди и помиреня придала лїстину на хторей 181 кандидат за народних посланїкох, пияток, 18. септембра.
Преглашена и виберанкова лїстина Русийска странка – Сербия у Бриксу – Слободан Николич у статусу меншинскей лїстини, хтору придала Русийска странка за виберанки за народних посланїкох Народней скупштини. На гласацких лїсткох тота лїстина будзе зоз числом седем (7.). Русийска странка придала лїстину на хторей 25 кандидати за народних посланїкох, пияток, 18. септембра.
Позарядово парламентарни виберанки розписани за 25. октобер.