БЕОҐРАД – Полнолїтни гражданє Републики Сербиї хтори маю гласацке право, онлайн можу превериц чи су уписани до Єдинственого гласацкого списку за наступни парламентарни виберанки 25. октобра.
Прейґ порталу Министерства державней управи и локалней самоуправи на адреси https://upit.birackispisak.gov.rs/ швидко и єдноставно, лєм з податками з особней карточки мож превериц чи гласач уписани, и на хторим виберацким месце гласа.
На истим порталу єст ище даскельо интересантни можлївосци – превериц число уписаних гласачох на конкретней адреси, як и провадзиц пременки числа гласачох уписаних у Єдинственим гласацким списку.
Термин за заключенє Єдинственого виберацкого списку и утвердзованє вкупного числа гласачох виходзи 9. октобра. Гражданє можу по 9. октобер, односно по заключенє Виберацкого списку, придац вимогу општинскей лєбо городскей комисиї за уписованє лєбо вименку уписа до виберацкого списку.