Вчера бул Вельки пияток и Исусово хованє

автор маф
1.1k Опатрене

РУСКИ КЕРЕСТУР – Парохиянє керестурскей парохиї вчера означели Вельки пияток, а на 15 годзин у Катедралней церкви була служена Вечурня зоз покладаньом плащанїци до Божого гробу, або Исусово хованє.

Предводзел ю преосвящени владика Георгий з домашнїма священїками – парохом о. Михайлом Малацко, и капеланами о. Владимиром Медєшом и о. Михайлом Шантом, шпиванє водзел дзияк Янко Виславски, а швичкаре були члени Церковного одбору.

У Вечурнї було вельке число вирних хтори участвовали у обходу коло церкви зоз плащанїцу на хторей намальоване Исусово цело котру священїки потим „положели” до гроба. Шицки присутни у обходу коло оквеценого гроба циловали плащанїцу.

До позних вечарших годзинох вирни приходзели помодлїц ше ґу Божому гробу, а можу то зробиц и нєшка през цали дзень по 20 годзин кед почина Пасхалне бдиниє.

30.03.2018.-Veljki pijatok 043_resize

ПОВЯЗАНИ ТЕКСТИ