Дарунки новонародзеним бебом

автор тах
1.1k Опатрене

ВЕРБАС – Пондзелок, 9. януара, у Общим шпиталю Вербас отримана шветочносц з нагоди акциї „Бебом з любову”, у хторей першим новородзеним бебом у тим року подзелєни дарунки назберани у спомнутей акциї, пише портал Општини Вербас.

З тей нагоди Оддзелєнє ґинеколоґиї нащивел и предсидатель Општини Вербас Милан Ґлушац, котри першенародзеному дзецку у тим року додзелєл 80 000 динари. Общи шпиталь другонародзеному дзецку у тим року подаровал кочик, а СЗР „Саня” вецей комплети посцелїни.

У акциї и того року участвовали коцурски „Супермикс плус” и „Карнекс”, хтори   найзагроженшим фамелийом котри у тим року достали дзецко подаровали по ваучери од 5 000 динари, та други спонзоре, як цо то Апатика „Янкович”, Квецарня „Кралїца” и Червени криж.

ПОВЯЗАНИ ТЕКСТИ