ДЮРДЬОВ – Перши тидзень у октобру, Дзецински тидзень, з тогорочним мотом „Будуєме мости медзи ґенерациями – За радосц каждого дзецка”, у Предшколскей установи „Дюрдєвак” у Дюрдьове, збогацени зоз тим цо дзеци найволя – з бависком.
Шицки ґрупи пондзелок участвовали у спортских активносцох на валалским спортским полиґону. Вчера, 3. октобра, младша ґрупа нащивели Општинску народну библиотеку „Велько Петрович” у Дюрдьове, а старша ше стретла з двома писателями – Радетом Дєрґовичом и Саню Радойкович з Беоґраду котри им на интересантни способ бешедовали о своїх кнїжкох. Вони двойо на дарунок ПУ подаровали по єдну свою кнїжку.
Нєшка до госцох приходза ґлумци Сербского народного театру котри одбавя представу „Кандру Тоша”.