НОВИ САД – У орґанизациї ТАЦСО – Ресурсного центра Гражданских инициятивох з Беоґраду, у Заводзе за културу войводянских Руснацох всоботу, 25. марца, за членох Новинарскей асоцияциї Руснацох (НАР) и других здруженьох гражданох отримана роботня о стратеґийним планованю.
Роботню з назву „Виробок стратеґиї Новинарскей асоцияциї Руснацох” водзел тренер Мирослав Кевежди, котри з тей нагоди учашнїкох на роботнї уведол до процесу планованя стратеґиї, формулованя и скицированя основних елементох стратеґиї, а потим звладани основни методи планованя и анализи.
Була то перша часц едукациї о тей теми, а друга часц, на хторей ушлїдзи и виробок нарису стратеґиї, будзе отримана концом априла.
Новинарска асоцияция Руснацох НАР з Ресурсним центром Гражданских инициятивох сотрудзує од 2015. року, кеди витворена едукация за членох здруженьох гражданох з писаня проєктох, а терашня у функциї моцнєня капацитетох НАР-у и других заинтересованих здруженьох Руснацох.