РУСКИ КЕРЕСТУР – Внєдзелю закончени Водицов камп за дзеци и младих хтори започал штварток, 3. авґуста.
Тогорочни Камп бул найнащивенши потераз, бо на нїм участвовали коло 90 млади, углавном з наших парохийох. През штири днї учашнїки з о. Владиславом Варґом преглїбйовали тему „Медзисобна любов”, а бешедовали и о сучасней комуникациї, о предмалженскей чистоти и другим. Орґанизовани и вецей креативни роботнї хтори обдумали млади.
Млади були змесцени у будинку Водици, на парохиї и у Каритасу. За змесценє и превоженє ше постарали волонтере Каритасу, а материялно и у роботи помогли числени парохиянє.