КОЦУР – Вчера, 27. мая, у Подручней лиґи Суботица одбавене предостатнє, 29. коло, у котрим коцурска „Искра” госцовала у сушедним Вербаше, дзе ю у општинским дербию дочекала екипа ОФК „Вербас”. Змаганє другопласованого ОФК „Вербас” и трецопласованей „Искри” закончене зоз нєришеним резултатом 1:1.
Ґол за „Искру” на тим змаганю дал Зоран Сердар.
После 29 одбавених колох „Искра” на трецим месце на таблїчки зоз 55 бодами.
На нєдзелю „Искра” у Коцуре у остатнїм колу сезони дочека екипу „Пролетера” зоз Нєґошева, а кед „Искра” на тим змаганю победзи будзе бавиц бараж за уход до Войводянскей лиґи сивер.