ВЕРБАС – Дружтво инвалидох Вербас, хторе пред роком порушало акцию „Людзе джиновского шерца”, нєдавно запровадзело сотруднїцтво з єдну гуманитарну орґанизацию з Нємецкей хтора будзе вельки донатор помоцних средствох.
Хвильково Дружтво глєда способ же би ше цо ефикаснєйше орґанизовало транспорт донациї, а помагаю и поєдинцом и институцийом. На тот завод, Дзецински диспанзер вербаского Дома здравя достал єдни дзецински караґулї.
З тей нагоди Дружтво у їх просторийох у Канцелариї за младих у Вербаше нащивела директорка Дома здравя „Велько Влахович” Ясмина Асси.