ВЕРБАС – Сертификат и ришенє о акредитациї на идуци седем роки, по 30. юний 2033. рок, представнїца Аґенциї за акредитацию здравствених установох Светлана Дрча, пондзелок 10. авґуста, уручела директорки Общого шпиталя Вербас др Цвети Роґанович и подзековала координаторки др Славици Милович на сотруднїцтве.
Поступок акредитациї шпиталю запровадзени у складзе зоз Правилнїком о акредитациї здравствених установох, других правних особох и приватней пракси, зоз нїм утвердзени способ, поступок и условия за акредитацию здравствених установох. Тото окреме важне потврдзенє квалитету роботи и пошвеценосци цалого тиму, гварела др Цвета Роґанович и подзековала шицким членом тиму Общого шпиталю Вербас хтори каждодньово доприноши витвореню їх мисиї и у складзе зоз вредносцами хторима су пошвецени и предлужую свою роботу зоз додатну одвичательносцу, пренєсол портал VRBAS.net.
Общи шпиталь Вербас акредитовани як здравствена установа за хтору утвердзене же сполнює Стандарди за акредитацию здравствених установох секундарного и терциялного уровню здравственей защити.