НОВИ САД – На Трецей програми радия Радио-телевизиї Войводини на програми по руски ютре, на нєдзелю, 23. авґуста, на 7 годзин рано годно послухац Емисию за валал, а на 12:30 г емисию Културна панорама.
Ютрейше найновше виданє Емисиї за валал будзе у цалосци пошвецене Привредно-туристично-културней манифестациї Днї керестурскей паприґи хтора отримана 22. авґуста у Руским Керестуре, на чесц єдному зоз найпрепознатлївших продуктох того валалу, а у орґанизациї Здруженя продуковательох паприґи Капсикум анум.
У емисиї нє буду вихабени анї найновши висти зоз польопривреди, проґноза хвилї за наиходзаци тидзень, як и цени польопривредних продуктох на новосадских пияцох.
Емисия за валал на програми кажду нєдзелю на 7 годзин рано и репризно стреду на 21:30 годзин, на УКТ габох радия РТВ на 92, 100 и 107,1 мгг, а мож ю послухац и на одложеним слуханю на сайту Радио-телевизиї Войводини. Емисию пририхтую Єлена Дудаш, Златко Колєсар, Михаил Рамач.
Потим, на 12:30 годзин у найновшей емисиї Културна панорама годно послухац звити зоз трох Манифестацийох котри отримани 22. авґуста у трох руских валалох: зоз 25. Манифестациї Преслава нового хлєба у Новим Орахове, зоз 14. Дньох керестурскей паприґи у Руским Керестуре и зоз 23. Фестивалу жридлового шпиваня Най ше нє забудзе у Дюрдьове.
Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.
