БЕРКАСОВО – На православним теметове у Беркасове почала вибудов каплїчки хтору ше будзе хасновац и за хованя на руским теметове, хтори ше находзи у нєпоштредней блїзкосци.
Тих дньох виляти фундаменти, а нєодлуга будзе приключена и вода, бо вчера майстрове розцаговали водовод, а по нєдзелї почнє мурованє каплїчки.
Як заплановане, до каплїчки треба увесц и струю, вимуровац бетонску ограду коло теметова, поставиц металну капуру и виляц дражку по руски теметов. Шицки роботи би могли потирвац рок и пол, у зависносци од финансийох понеже Беркасовчанє будую каплїчку з власних средствох. Вредносц шицких роботох виноши коло 3,5 милиони динари
Попри тих роботох, наступного мешаца би мала буц орґанизована велька роботна акция ушореня простору коло теметова.