РУСКИ КЕРЕСТУР – Парохийни Каритас у Руским Керестуре и того року орґанизує акцию збераня помоци школяром котрим то потребне, так же на парохию, лєбо до Каритасу, мож принєсц пенєжни прилог за школски прибор, як и шмати и обуй за дзеци.
Нєшка, а нє вчера, як на перши завод було наявене, керестурску парохию и Каритас нащивя дзевецме грекокатолїцки священїки з Румуниї, котрих домашнї упознаю з каритативну роботу, а пред тим буду присуствовац на Вечаршей Служби Божей.
Од штвартку, 14. септембра, у просторийох Каритасу знова почню друженя за старши особи. За тих котри на друженє нє можу присц сами, волонтере обезпечую превоз, а друженя починаю на 15 годзин.