БЕОҐРАД – За грекокатолїкох у Беоґрадзе Всеночне на Вилїю служел парох о. Владислав Варґа, котри пречитал крачунску винчованку нашого еґзарха, кир Георгия Джуджара. Служба була з мированьом, а дзецом котри пре хороту теди нє були, тераз подзелєни пакецики з нагоди св. Миколая.
У церкви було красне число людзох, було и госцох з Италиї и з Републики Сербскей, Рождество Христово возвелїчане з колядами, а на концу орґанизовани аґапе, за хтори вирни принєсли капущанїки, бобальки и цепли напой. После того єдни других волали до своїх домох по шпиваню.
Шлїдуюца Служба Божа у Беоґрадзе будзе 18. януара, а потим будзе и пошвецанє обисцох.