БЕОҐРАД – Упути зоз хторима пациєнти иду на препатрунок до дохтора специялисти на дияґностични препатрунки и знїманя, як и до шпиталю, буду важиц найвироятнєйше ище идуцого року, а роби ше на тим же би були цалком утаргнути, пишe „Политика”.
„Перше їх важенє зоз терашнїх пол рока будзе предлужене на єден рок, з вименками и дополнєнями Закона о здравственей защити, а робиме и на тим же би ше их цалком утаргло”, визначел у интервюу за „Политику” дохтор Владимир Арсениєвич, координатор Интеґрованей информацийней здравственей системи (ИЗИС).
Як наведзене, з вименками и дополнєнями о здравственей защити, пациєнтом будзе олєгчани одход до специялисти и шпиталю, а електронске заказованє уж олєгчує хорим пре ходзенє од шалтеру по шалтер.