БЕРКАСОВО – На тогорочней 23. традицийней манифестациї „Сримска винияда”, чия закончуюца шветочносц отримана 14.фебруара, на швето Святого Трифуна, защитнїка винїцох и винїцарох, фахова комисия оценєла вкупно 72 прикладнїки вина.
У катеґориї билих винох було 34 вина, а победзела Винария „Паїч“ зоз Берчкого Дистрикту ( Босна и Герцеґовина).
При червених винох було 27 приявени вина, а перше место освоєл Перо Дюрич зоз Биєлїни зоз Републики Сербскей (Босна и Герцеґовина).
Комисия оценєла и 11 вина у катеґориї розе, дзе перше место тиж припадло Винариї „Паїч“ зоз Берчкого Дистрикту.
У катеґориї продуковательох вина лєм зоз Беркасова, при билих винох перше место освоєл Миодраґ Митрович, а у катеґориї червеного вина найлєпши бул Боян Митрович.
На шветочней вечери, Велимир Ранисавлєвич, предсидатель Скупштини општини Шид, пожадал винїцаром вельо успиху у продукциї грозна и вина и у 2018. року, а госцох забавял оркестер „Тайна“ зоз Руми.