На пондзелок означованє 75-рочнїци Новосадскей рациї

автор зам
1k Опатрене

НОВИ САД – На пондзелок, 23. януара, при памятнїку „Фамелия” на Кею жертвох рациї, у Новим Садзе будзе означена 75-рочнїца Новосадскей рациї, у хторей у януаре 1942. року страдали вецей як 1 200 Новосадянє. Комеморативни сход почнє на 12 годзин.

Попри функционерох АП Войводини и Городу Нови Сад, обчекує ше же на комеморациї будзе присуствовац и предсидатель Сербиї Томислав Николич, а панахиду за покойних буду предводзиц патриярх Сербскей православней церкви Ириней и верховни рабин Сербиї Исак Асиел.

На комеморативним сходзе буду присуствовац и представителє Сербскей православней церкви, єврейских општинох, амбасадох у Сербиї и потомки жертвох Рациї.

Шицких заинтересованих за присуствованє на тим сходзе городски автобуси буду безплатно превожиц на Штранд.

ПОВЯЗАНИ ТЕКСТИ