На соботу Дзень Антония Годинки

автор лем.фм/зам
982 Опатрене
БУДАПЕШТ (МАДЯРСКА) – Цалодержавна русинска самоуправа у Мадярскей на соботу, 11. фебруара, у Будапешту орґанизує Дзеня памятки на Антония Годинку, визначного русинского академика, пише портал лем.фм.
Як кажди рок, програма почнє з панахиду над гробом Годинки, а будзе предлужена з културно-уметнїцку програму у Културним доме у будапештанским району Зуґло.
На програми будзе додзелєна и Награда Антония Годинки, хтору, як наявене, того року достанє шпивачка Олґа Прокоп з Мукачова, зоз Закарпатскей обласци України, и редакция русинских „Народних новинкох” з Прешова, зоз Словацкей
У културно-уметнїцкей програми наступи и шпивацки дует „Червена ружа”, котри творя спомнута Прокопова и Лилия Немеш.
Антоний Годинка (1864-1946) бул визначни слависта, историчар, академик Мадярскей академиї наукох, ректор Печуйского универзитету и почесни предсидатель Подкарпатского наукового дружтва. Народзени є у Ладомирове у нєшкайшей Словацкей, а умар у Будапешту.

ПОВЯЗАНИ ТЕКСТИ