РУСКИ КЕРЕСТУР – У рускокерестурскей парохиї св. оца Миколая по григориянским календаре на ютре швето велькомученїка Георгия – Дзуря. Святи Георгий жил у трецим вику и як римски официр страдал за виру од цара Диоклецияна, а почитує го и християнски восток и заход.
На Дзуря у керестурскей Катедралней церкви служби Божо буду на 8 и 19 годзин, Дзецинска нє будзе, а Велька Служба Божа будзе у Водици на 11 годзин, з пошвецаньом жита.
На Дзуря у Водици почина тогорочна сезона богослуженьох, а новосц же у тим Марийовим святилїщу кажду соботу пополадню, од 16 до 19 годзин, буду присутни священїка, кеди у Водици будзе и Служба Божа.
У Водици ше соботами буду зменьовац священїки з наших парохийох, а вирни ше у спомнутим чаше годни висповедац, лєбо окончиц духовну розгварку.