На ютре Кирбай у Керестуре

автор маф
830 Опатрене

РУСКИ КЕРЕСТУР – На ютре, 9. мая, рускокерестурска Катедрална церква св. оца Миколая преславює свойо храмове швето – Кирбай. З тим дньом ше означує дзень преношеня мощох св. Миколая з Мири у Малей Азиї до Барию у Италиї. котри пренєшени 9. мая 1087. року.

Нєшка, дзень пред Кирбайом, будзе служена Вечарша Служба Божа з Молебеном до Богородици на 18 годзин, а на 19 будзе Всеночне.

Ютре, на Кирбай будзе ранша Служба Божа на 8 годзин, а Архиєрейска на 10 годзин котру будзе предводзиц владика Георгий Джуджар, вєдно з домашнїма и зоз священїками з других парохийох. По служби будзе одпустови обход з читаньом євангелийох.

Кирбай нагода же би ше до Керестура зишли госци зоз наших местох, околїска, та и далєких крайох. Обчекує ше и богата вашарска часц, рижни бависка за розвагу дзецох и младих, цо почало ище пред даскельо днями.

ПОВЯЗАНИ ТЕКСТИ