НОВИ САД – Вчера у Новим Садзе, у Футожскей улїци, просто касарнї „Др Арчибалд Райс”, отворена ище єдна станїца за бициґли котру поставело Явне подприємство „Паркинґ сервис”.
Нова „НС байк” станїца тринаста по шоре а, як и кажда предходна, автоматизована є и под видео-надпатрунком.
Директор ЯП „Паркинґ сервис”, Стеван Луґоня, виявел же ше прешлого року вецей як 27 000 раз виєднало бициґлу, алє и тота сезона идзе у добрим напряме, бо уж єст вецей од 5 000 реґистрованих хасновательох.
„Дошли зме по уровень роботи кед НС байк система представя озбильну алтернативу превозу у городу. То седма сезона роботи, и Новосадянє уж звикли хасновац нашо бициґли, а то и атрактивна часц туристичного понуканя Нового Саду. Шицко тото гутори же треба предлужиц робиц у тим напряме, повязац ище даєдни часци городу и оможлївиц цо векшому числу гражданох же би хасновали тоту файту превозу”, гварел Луґоня.