КУЛА – Предсидатель Покраїнскей влади Иґор Мирович стреду, 5. юния, уручел ключи нових санитетских превозкох зоз провадзацу медицинску опрему представнїком домох здравя у 17 локалних смоуправох, медзи котрима и служби наглей помоци у Кули. Попри тим, превозки достали Институт за здравствену защиту дзецох и младежи Войводини, Клинични центер Войводини, и Общи шпиталї у Кикинди и Сенти.
За тоту намену з буджету АП Войводини видвоєни 100 милиони динари, а як гварел Мирович, векшина тих превозкох наменєни за слабше розвити општини, а пре цильом квалитетнєйшу здравствену защиту гражданох.
Директор Дома здравя Кула Жарко Шевин з тей нагоди подзековал и наглашел же кажда превозка у служби наглей помоци у Кули рочнє прейдзе коло 70 000 километри.