РУСКИ КЕРЕСТУР – У парохиї св. оца Миколая нєшка Велька собота, спомин на други дзень кед Исус Христос лєжал у гробе а треци дзень, внєдзелю вчас рано, Воскреснул зоз мертвих.
Нєшка рано, на 8 годзин, у Катедралней церкви будзе служена Єрусалимска утриня пред Божим гробом, а вечар на 20 годзин Пасхалне бдиниє – Всеночне з Воскресну утриню.
На ютре, на нєдзелю, Пасха Господня, ранша Служба Божа на 8 годзин, а Архиєрейска зоз пошвецаньом паскалного єдзеня на 10 годзин, и будзе ю предводзиц преосвящени владика Георгий з домашнїма священїками.