ШВЕТ – З рижнима активносцами и кампанями, у цалим швеце ше нєшка, 5. юния, означує Шветови дзень защити животного штредку, же би ше указало и спозорело на потребу очуваня животного штредку, на числени еколоґийни проблеми и потребу за їх континуоване ришованє.
Тот датум, 5. юний, одредзела Ґенерална скупштина Зєдинєних нацийох, понеже на тот дзень 1972. року у Стокголму отримана Конференция о защити животного штредку на хторей 113 держави потримали заєднїцку вияву о потреби медзинародного сотруднїцтва у защити животного штредку, а тота програма наволана УНЕП.
У прейґ 100 державох швета ше на тот дзень орґанизує акциї з цильом пременки еколоґийней свидомосци, а до спозорйованя на одвичательнєйше справованє людзох спрам загрожованя живота на нашей планети, як цо то заґадзованє воздуху, води, знїщованє лєсох, нєставанє велїх животиньских и рошлїнских файтох, уключени державни орґани, привреда и нєвладови сектор.
