Нєшка „Яр др Мафтея Виная”

автор зам  илустр вев
1k Опатрене

СУБОТИЦА – У Суботици нєшка, 17. марца, будзе отримана традицийна Културна манифестация Дружтва Руснацох у Суботици „Яр др Мафтея Виная”. Програма тогорочней Манифестациї будзе у просторийох Бунєвскей матки (Корзо ч. 8), а почнє на 19,30 годзин.

На „Яри др Мафтея Виная” участвую Хлопска шпивацка ґрупа Руского културного центру з Нового Саду и историчар Сашо Сабадош, котри отрима викладанє з тему „Руска преса медзи двома шветовима войнами”. Як наявели орґанизаторе, програма будзе по руски и по сербски.

Пред отримованьом вечаршей програми, члени Дружтва Руснацох и найбилїзшей фамелиї др Виная положа квеце на його гроб на суботицким теметове.

ПОВЯЗАНИ ТЕКСТИ