РУСКИ КЕРЕСТУР – Нєшка, 25. марца, на Драмским мемориялє Петра Ризнича Дядї госцує ансамбл з иножемства, зоз Словацкей – „Театер при фонтани” з Михаловцох, хтори по „виходнярски” одбави комедию „Жимне вре” Катарини Вареховей, у режиї Гелени Андреєвей и Єли Тимковей.
Мемориял на ютре, 26. марца, будзе закончени з представа по сербски „Малогражданска свадзба” Бертолда Брехта, у режиї Радоя Чупича, а у виводзеню Театру „Стеван Сремац” Дому култури з Червинки.
Представа початком того мешац на Театралним фестивалє „Златни кулиси” у Краґуєвцу достала вецей награди.
Обидва представи у Велькей сали Дому култури починаю на 19,30 годзин.