КУЛА – На стадионє „Гайдука” у Кули нєшка на 16 годзин будзе змаганє Уметнїцкей фодбалскей репрезентациї Сербиї з домашнїм ФК „Гайдук-юниор”, а змаганє гуманитарного характеру, понеже цали приход наменєни Здруженю МНРО „Белава птица” з Кули.
У Уметнїцкей репрезентациї нашо познати ґлумци, музичаре, танєчнїки, режисере, алє и бувши познати фодбалере, як цо то Деян Рамбо Петкович.
Тото приятельске змаганє ше бави и у рамикох пририхтованя Уметнїцкей фодбалскей репрезентациї Сербиї за шветове першенство тих репрезентацийох, хторе у юнию того року будзе у Русиї.