ШИД – У 10. колє Медзиопштинскей фодбалскей лиґи Срим, ОФК „Бикич” на госцованю у Равню бавел 0:0 процив „Зеки Булюбаши”, „Обилич 1993” зоз Куковцох на госованю у Будяновцох победзел „Младосц” зоз 3:1, а „Гайдук” з Вишнїчева бавел 2:2 у Воґню процив „Младосци” з того валалу.
На таблїчки „Гайдук” на трецим месце зоз 20 бодами, кельо маю боди и ОФК „Бикич” на штвартим и „Обилич 1993” на пиятим месце.
На нєдзелю у 11. колє, ОФК „Бикич” дочекує „Гранїчар” з Обрежу, „Обилич 1993” угосци „Митрос” зоз Сримскей Митровици, а „Гайдук” будзе домашнї „Долньому Сриму” зоз Печинцох, водзацей екипи на таблїчки зоз 28 бодами.