Оберанє грозна у „Руским дворе”

автор ртв
1.1k Опатрене

 БЕРКАСОВО – Винїцаром, як гваря, тот рок бул успишни, бо за розлику од других польопривредних културох хтори нє могло штучно наводньовац и хтори прецерпели озбильни очкодованя пре сушу, винїцом вона нє начкодзела.

У винїци Акционерского дружтва „Руски двор” оберачка на коло 8 гектарох винїци при Беркасове почала уж штедком прешлого тижня, вельо скорей як звичайно.

Як гваря винїцаре, зродзело два раз вецей як влонї, а понеже роботнїкох чежше найсц, акционере ше догварели же и сами помогню. Так прешлого тижня грозно оберали штирме керестурски, а того штирме дюрдьовски акционере.

Понеже остало вина и од прешлого року, плановане предац голєм половку грозна, а остаток знова преробиц до вина.

ПОВЯЗАНИ ТЕКСТИ